ПРAВИЛА НА ПРОГРАМАТА „КВАНТУМ ПЛУС“

Квантум  Спорт дооел со ул. на БЕЛАСИЦА Бр.2лок.К1.10/ЕАСТ ГАТЕ-ТЦ СКОПЈЕ - ГАЗИ БАБА е иницијатор на програмата „КВАНТУМ ПЛУС” (во натамошниот текст: програма) и издавач на „КВАНТУМ ПЛУС” картички (во натамошниот текст: картичка) и корисник на базата на лични податоци за сите регистрирани корисници.

Корисник на програмата може да биде секое лице постаро од 18 години со живеалиште во Република Северна Македонија, кое физички или преку мобилен телефон или преку интернет страницата по електронски пат да го пополни формуларот за зачленување во програмата. Со потпишување на барањето или со давање на согласност преку мобилен телефон или со праќање на Барање за зачленување на лицето потврдува дека е согласно со правилата на програмата.

Сите задолжителни податоци на формуларот или во Барањето за зачленување задолжително е да бидат пополнети од лицето кое се пријавува и тоа одговара за вистинитоста и точноста на наведени податоци во формуларот поврзани со употреба на картичката.

Партнери на програмата можат да бидат и други субјекти кои со Квантум Спорт ќе потпишат договор за заедничка промоција на КВАНТУМ ПЛУС програмата.

Квантум Спорт дооел, го задржува правото во било кое време и без претходна најава да повлече картичка од оптек или во потполност да укине елементи од програмата. За секоја измена дополнување и укинување на правилата од програмата како и промена на партнерите на програмата, Квантум Спорт дооел Скопје ќе го извести корисникот на картичката на соодветен начин. Актуелните правила за програмата и списокот на партнерите на програмата се достапни на интернет адресата. Ако корисникот на програмата ја употребува картичката по објавените промени, значи дека со истите е согласен.

Основната картичка не е пренослива на друго лице и може да се користи исклучиво од регистрираниот корисник на програмата кој се потпишал на пристапницата кон програмата или ја дал својата согласност преку својот мобилен телефон при зачленување во програмата. Физичко лице може само еднаш да се зачлени во програмата  и има право на една картичка.  Квантум Спорт и партнерите на програмата го задржуваат правото во секој момент да проверат идентитетот на корисникот на картичката. Списокот на актуелните партнери на програмата се достапни на интернет адресата  или на некое од продажните места на партнерите на програмата.

Начин на користење на картичката:
За да добие поени или за да искористи некоја од поволностите од програмата, корисникот на програмата е должен пред плаќањето да ја покаже картичката на персоналот на Квантум Спорт или партнерите на програмата кај кој се извршува трансакцијата.
Дополнително впишување на поени не е возможно.

Квантум Спорт Скопје го задржува правото да доделува, менува или поништи бенефити на програмата по своја проценка.
По секое купување во продавниците на партнерите на програмата, корисникот добива 1 поен на секои потрошени 100 денари.

Бодовите на картичката се собираат и користат во рок од една година. На пример, ако корисникот има купено артикал на 1.08.2018 бодовите ќе може да ги искористи заклучно со 31.07.2019 година. Во случај на прекорачување на временскиот рок, поените се поништуваат. Бодовите освоени преку онлајн купување се додаваат на корисничкиот налог 20(дваесет) дена од денот на остварената трансакција.

Секој добиен поен (бонус) во зависност од моменталниот статус на членот се конвертира во 2,3,4,6,8 денари попуст за следното купување и се бележи на „Квантум Плус” картичката.

• Од 0 до 249 поени, 1 поен = 2 ден. попуст при следното купување.
• Од 250 - 499 поени, 1 поен = 3 ден. попуст при следното купување.
• Од 500 - 799 поени, 1 поен = 4 ден. попуст при следното купување.
• Од 800 - 1299 поени, 1 поен = 6 ден. попуст при следното купување.
• Од 1300 + , 1 поен = 8 ден. попуст при следното купување.

Доколку корисникот на програмата има собрано повеќе од 2000 поени, може да добие и други поволности при купување по посебни критериуми за секој посебен партнер на програмата, а информации за истите ќе се објават на web страната.
Бенефитите на програмата Квантум Спорт не може да се комбинираат со други бенефити кои важат во продажното место на Квантум Спорт  и партнерите на програмата.
Во случај на укинување на програмата сите бодови кои се собрани до тој момент ќе може да се искористат во рок од 30 дена од објавата за укинување на програмата.
Поените на картичката не може да се заменат за готовина.

Во тој случај може да бидат воведени и трети лица кои ќе ја вршат функцијата на собирање и обработка на податоците во име на Квантум Спорт како извршители на програмата со кои Квантум Спорт пред почетокот на соработката ќе потпише соодветни договори и ќе ги превземе сите мерки за заштита на личните податоци.

Квантум Спорт е овластен исклучиво врз основа на своја одлука да додаде нов концепт или да отстрани некој од постоечките од програмата.

Концептите на Квантум Спорт се воедно и партнери на КВАНТУМ ПЛУС програмата, односно во продавниците UNDER ARMOUR се остваруваат погодностите од КВАНТУМ ПЛУС програмата. Партнерите на програмата може да се менуваат со тек на времето.

Квантум Спорт  го задржува правото со претходна најава да ја повлече картичката од употреба во следниве случаи :

• Лажно претставување под друго или измислено име;
• Пријавување или користење телефонски број кој припаѓа на друго лице;
• Давање неточни податоци и несогласување со правилата на Квантум Плус програмата;
• Користење на квантум плус картичка на друго лице;

При проверка и утврдување на потенцијална злоупотреба со КВАНТУМ ПЛУС картичката во следниве случаи :

• Повеќе од 3 трансакции во тек на еден ден;
• Повеќе од 5 трансакции во тек на 7 дена;
• Повеќе од 10 трансакции во период од месец дена ;
• Други ситуации кои не се однапред дефинирани но поради својата специфичност можат да бидат потенцијални злоупотреби.

Корисниците на програмата може да ги имаат и следните погодности кога е назначено во продажните места:

• „Намалено со КВАНТУМ ПЛУС картичка“- Производи чија цена ќе биде намалена;
• „Поклон со КВАНТУМ ПЛУС картичка“-Производи кои ќе се добиваат како поклон.

Во случај на губење или кражба на картичката, корисникот на програмата е обврзан да ја блокира картичката преку својот он-лине личен кориснички налог или случајот да го пријави на телефонскиот број:+38975343177, по што картичката ќе биде блокирана за да се спречи нејзина злоупотреба.
Доколку корисникот на програмата има собрано поени на отуѓената картичка, Квантум Плус собраните поени од отуѓената картичка ќе ги пренесе на новата картичка на барање на корисникот на програмата.

Корисникот на програмата има право преку својот електронски кориснички налог да ги измени податоците кои претходно ги доставил до Квантум Плус или да го откаже членството во програмата. Корисникот на програмата исто така има право преку повикување на телефонскиот број:+38975343177. Важноста на картичката престанува во моментот кога Квантум Спорт дооел Скопје ќе добие известување за откажување и враќање на картичката и истиот е должен да ги избрише податоците за корисникот од базата на податоци. Доколку корисникот на програмата од технички причини не може да го реализира својот бенефит, може да се обрати на телефонскиот број: +38975343177. Секое неовластено копирање, умножување или злоупотреба на картичката ќе биде санкционирано во согласност со законските прописи.